【獨媒報導】立法會選舉結果塵埃落定，地區直選投票率為31.9%。行政會議成員、民思政策研究所所長湯家驊認為，投票率已不可與「完善」選舉制度前的選舉作比較，因有部分支持非建制派的選民「仍然唔相信新嘅制度係有利於保護國家、保護香港嘅穩定」，不願意投票。他稱「要（非建制派選民）啲票嚟都冇用，可能佢都係希望投啲票嚟去阻礙立法會嘅工作，咁呢個對我哋嚟講未必係我哋嘅目標。」

民思政策研究所周四（12月11日）舉行記者會，講述「香港成為亞洲人工智能領域的佼佼者」。在提問環節中，湯家驊被問到地區直選的投票率。他指地區直選的三成投票率是新標準，現今情況不應與「完善」選舉制度前的立法會選舉作比較。

投票率未受宏福苑火災 形容「兩件事嚟」

湯家驊表示，距離2019年已經六年，有部分支持非建制派的選民，「仍然唔相信新嘅制度係有利於保護國家、保護香港嘅穩定」，而不願意投票。他認為短期內難以出現戲劇性的改變：「咁你要（非建制派選民）啲票嚟都冇用，可能佢都係希望投啲票嚟去阻礙立法會嘅工作，咁呢個對我哋嚟講未必係我哋嘅目標。」

大埔宏福苑發生五級火，有評論指火災影響了投票氣氛。湯家驊則不認同，「唔覺得啲市民係因為宏福苑唔投票，我自己察覺嘅感覺就係，佢哋係兩件事嚟嘅，佢哋係會揸花去弔唁，但佢都有留意即係選舉，你個候選人講咩嘢呀，佢都會同時間攞個單出嚟睇。」

否認中間派空間收窄 稱日後更著重地區工作

在今屆選舉中，兩名民思政策研究所成員黃頴灝及陳進雄，以個人名義參選地區直選新界東北及九龍東，前者得票上升一倍，後者則再次得票不足5%，遭沒收選舉按金。

被問到中間派的空間是否被收窄，湯家驊不認同，稱中間派自2019年後雖然沒有議席進帳，但得票維持於9%。他又指黃頴灝為現任元朗區議員，並非在新界東北選區服務。至於陳進雄，湯家驊認為已證明在沒有地區工作經驗下，單以政綱拉票並不會成功，日後應更著重地區工作：「新嘅制度之下，要有啲真正嘅成績，可以贏出嚟，你長期喺地區度做服務係唔可以忽略，呢個亦都係我哋內部檢討嘅結論。」

回「333」選制 湯家驊：應集中精力普選特首

實政圓桌立法會議員田北辰日前透露，在「完善」選舉制度前曾向中央爭取，「333」選制即選委界、功能組別，及地區直選各佔30席，地方選區每區3席，認為可以提高投票率。湯家驊則認為，「333」選制有利大政黨以外人士參選，可增加代表性，但就並非解決投票率低的方法。不過他質疑是否能有利大黨以外的候選人，指新界東北選區有5名候選人，當中4名屬大政黨，民思政策研究所成員黃頴灝僅得9%的選票排於最尾，即便3席亦無法當選。

他認為應集中精力在「人大8.31」方案會更好：「即係普選特首，我覺得呢個可能對社會影響嘅轉變可能更加大。」