【獨媒報導】特首分別在新一屆立法會宣誓和正式大會前，都有如執法部門長官在行動前作出「訓示」，提醒議員議政不能偏頗，亦督促若不同意政策「請指出問題並提出建議」。新一屆議會運作第三日，實政圓桌莊豪鋒就「實測」水溫，在特別財委會上指出「窮中產」收入不加稅務卻增，質疑「呢啲稅有幾多使喺自己身上」。財政司司長陳茂波反駁指，交通基建、醫療、教育等開支賴以市民稅收，他不能認同「交咗稅完全無得益」。他續指，若議員支持發債，就應在日後政府發債時，多「出嚟解說，講好香港故事」。

今次特別財委會有多名新丁發言，但內容均相當溫和，例如民建聯葉傲冬同樣提到中產生活辛苦，不過只是建議財爺做稅務減免、恢復學生津貼，讓中產「唞唞氣」。

莊豪鋒代中層呻苦水 樓價跌差餉稅務卻增

實政圓桌莊豪鋒的表達方法更「進取」，他發言指近兩星期收到稅單，發現稅「交多咗」，收入卻沒有上升，質疑：「到底呢啲稅，有幾多係使喺我自己身上，使喺我哋啲夾心階層、窮中層身上？」他又指快要收到差餉單，過往一年樓價跌，租金卻升，意味差餉又增加，形容中層「睇住自己層樓係咁跌，差餉就愈交愈多，其實市民心目中，唔係好舒服」。

接近兩個小時的特別財委會，去到尾聲始遇到具「火藥味」的言論，陳茂波花上長篇幅回應，首先反問：「大家諗吓，交通基建邊個投入呢，醫療保障邊個投入呢，教育邊個投入呢？」他稱政府支出帳目非常清楚，花費「其實都係多方面為市民提供生活上所需同保障」，因此若說「交咗稅完全無得益」，他完全不能同意。

指去年有人持「不同動機」 評論政府「借債渡日」

另外由於莊豪鋒發言提到政府有更多發債空間，雖然先於莊發言的議員也有提及，陳茂波藉機呼籲議員要支持政府，因去年《預算案》提及發債時，有「不同人、有不同動機，去講債冧債、借債渡日」，他希望既然議員支持政府發債，日後應在政府公布時，「大家出嚟解說，講好香港故事」，又指自己常常得到國際評級機構支持，希望在「自己地方」也得到議員的支持。

會上另一個較多議員提及的，是公務員是否加薪的問題，其中勞中界周小松指出過往6年，公務員只有一次按機制加薪，擔心公務員與私人市場薪酬進一步拉開，加劇人手流失，現時政府有見公共財政改善，可否考慮加薪。陳茂波回應時非常謹慎，指公務員薪酬調整有機制決定，而薪酬調整的決定不只影響公務員，亦影響資助機構和私人市場，要先循機制小心考慮。

版權: 
禁止衍生