葉劉淑儀社交媒體圖片

【獨媒報導】行政會議召集人、新民黨主席葉劉淑儀在2012年及2017年行政長官選舉，均未能成功「入閘」。她在商台昨晚首播的新節目《又係時候同一天講再見》中，提及兩度參選特首選舉是「foolish（愚蠢）」，指當時自己「唔信邪」，在未有中央支持便去拉票是徒勞無功，認為行政長官必須獲中央支持是政治現實。她續提到每次參選是寶貴經驗，落敗後雖則面懵，但反而獲多人同情：「輸咗點呀？輸咗咪照返工做立法會議員囉，最多面懵啲啫，無人敢笑你㗎，反而同情你添，咁又捱過咗囉，無嘢架。」

商台節目《光明頂》停播，新節目《又係時候同一天講再見》昨晚（19日）播出首集，節目「上半場」由陳志雲主持，首集邀來嘉賓行政會議召集人、新民黨主席葉劉淑儀。


資料圖片

讚曾蔭權為「大哥哥」惟出名惡 曾被他大庭廣眾鬧

葉劉淑儀去年出版新書《葉劉淑儀服務香港50年》，其中邀得前特首曾蔭權書寫一節。葉劉稱當時邀請曾蔭權，他顯得略為猶豫稱：「你唔準改㗎喎！」葉劉則回應「請得你，任你寫啦。」

陳志雲問到會如何評價曾蔭權，葉劉稱當年入職時，曾蔭權人很好、勤力有幹勁，形容是「大哥哥」，惟出名惡，現時已「化哂、好祥和」。

她憶述當年在新界政務署總部工作，跟隨時任政務司鍾逸𠎀落區，惟被任職沙田政務官的曾蔭權投訴，稱落區並未有知會他。葉劉則指：「乜政務司落區要通知你咩？你嘅領地咁，無端端大庭廣眾鬧話呢個AO無通知佢，呢啲叫撩交鬧。咁佢高級過我，咪俾佢鬧吓囉，反正我老細鍾逸𠎀又唔會理呢啲嘢。」

葉劉續稱，曾蔭權是稱職公務員，會提出自己意見，且不會照單全收，甚有領導風格。她又稱最深刻是處理居英權工作後，曾蔭權有膽識向時任港督衛奕信提議「要帶我條team放一日假，要用你（港督）隻船，俾我哋去南丫島玩一日，你唔好打電話俾我。」

聞董建華下台震驚 孫東因安全考慮取消訪美

陳志雲稱有一說法是指曾蔭權任特首，故葉劉回港從政。葉劉指當時得悉董建華下台頗為震驚，讚揚董視野廣闊，很早便推動科技，惟時機不好，下台很可惜。陳追問是否認為曾蔭權「唔掂」，要返港「撐場」，葉劉則否認曾蔭權「唔掂」，認為過去廿年來維持一國兩制並不容易，又認為一國兩制理念沒有改變，但政治、國際環境轉變快：「即係你睇吓孫東局長，臨上機都去唔到美國，叫孫東唔好去都係有安全考慮。」陳志雲則認同是合理做法，但認為是政治敏感度不足，不理解「點解咁遲」。

兩次「唔信邪」參選是愚蠢 落選後反而更多人同情

陳志雲提到，葉劉淑儀曾在2012年及2017年分別兩度宣布參選行政長官選舉，但兩次均未能成功「入閘」。葉劉形容兩次參選決定是「foolish（愚蠢）」，指當時自己「唔信邪」，在未有中央支持便去拉票是徒勞無功，並認為行政長官必須獲中央支持是政治現實：「事實證明，做到行政長官呢個位一定要有中央支持，《基本法》寫明佢委任㗎嘛，佢有全面管治權，啫係我未得到中央支持。」

葉劉又指每次參選都是寶貴經驗：「每選一次知名度高啲、又多咗人同情你，同埋都係一個好好考驗，係咁嘅位點樣見記者唔好講錯嘢呢。」她又指事前有人提醒，只有一人能成功任特首：「輸咗點呀？輸咗咪照返工做立法會議員囉，最多面懵啲啫，無人敢笑你㗎，反而同情你添，咁又捱過咗囉，無嘢㗎。」

陳志雲追問有沒有積極爭取中央支持，葉劉稱每次都有，但承認爭取不到。被問到過不到「入閘」門檻是否一種遺憾？葉劉回應稱是接受現實：「我個女猛咁問我做嚟做乜，五年好快過。」至於會否再度接受新委任行政會議成員，葉劉稱是將來的事，如合適會願意繼續服務香港。

重提庾文翰失蹤案公開道歉 作為領導要肯揹鑊非卸膊

陳志雲稱葉劉有很多下屬願意跟隨，被問如何作為一個好領導。葉劉指有句說話叫「想買樓，搵葉劉」，她願意投放資源，開「一揪位」，低職位的同事又有位上，故認為她照顧「伙記」。她續指好領導要關愛及撐下屬，要揹鑊而非卸膊。她又重提2000年庾文翰失蹤事件，當時任保安局局長曾公開道歉，而政務司司長陳國基當時向她稱：「Madam你一句都無鬧我哋」，她當時回應：「我鬧你做乜啫？大家都唔想嘅，只好我去鞠躬道歉啦。」

葉劉又指領導的風格重要：「如果你喜歡應酬咪個個都去應酬，如果你重視落區，你知有句說話叫『management by walking around』，周圍巡，啲嘢咪睇的仔細啲，如果老細淨係鍾意坐寫字樓，咁咪人人坐寫字樓。」

「上半場」節目尾聲時，被問到特別欣賞的公務員，葉劉則指各有各好，點名讚揚麥美娟從立法會轉跑道加入政府，如在大埔宏福苑大火中，麥掌握細節，多次出來「出鏡」。


葉劉淑儀社交媒體圖片