葉劉稱曾考慮做多屆 惟如不棄選面對行會雙料議員會感尷尬
【獨媒報導】取代《光明頂》的商台節目《又係時候同一天講再見》今周首播，首位嘉賓為行會召集人、新民黨主席葉劉淑儀。周三晚上一集談到去年不尋求連任立法會議員一事，葉劉多次否認有人勸退「過咗70歲唔好再選」，強調沒有人以年齡劃界，並坦言有想過做多一屆，不過不少行會「雙料議員」都已退下來，如不棄選會令人覺得她有特權，感覺尷尬。她最後更慨嘆：「個年代轉咗啦真係，俾啲新人玩啦。」
稱有考慮再做多一屆
去年多名年過70歲的立法會議員宣布不再參選，現年75歲的葉劉淑儀亦不例外，於立法會會期後宣布結束17年議員生涯。主持人陳志雲指葉劉仍然充滿能力與活力，直接問道：「其實係咪可以做多一屆呢？」葉劉坦言「有諗過」：「至多做多一屆，79歲仲去選？好辛苦喎，舊年75歲選都好有精力，由南走到北冇乜問題。」葉劉又提到去年為新民黨一眾參選人拉票更自己參選更辛苦：「選舉嗰日7點開工，到11點55分都頂得順，再過幾年話唔埋，趁而家有精力幫吓啲年輕人啦。」
資料圖片
指如不退選 面對雙料議員會感尷尬
陳志雲之後問為何一定要現在退下來，是否葉劉本人的意願。葉劉就稱：「大家都退囉，啲同事都退囉，逐個退囉，係咪？同埋有啲已經退咗，因為我係最後宣布，有啲人就觀望我會唔會退呢。」她又提及行會中有8人為雙料議員，感覺有點像「大家睇住大家」：「如果剩得我一個（不棄選）真係幾尷尬，佢哋會覺得我好有特權定點呢，我連呢啲朋友都會無埋。我當佢哋係朋友，佢當唔當朋友係另一回事啦，但我覺得唔係幾好。」
陳志雲再問是否曾有人告知「過咗70歲唔好再選」，葉劉多次表明沒有：「無人用年齡劃界﹐真係冇。」
今屆共有40人首次晉身立法會，葉劉又表示見到今屆如此多新人，「如果你叫我喺論壇企喺度，都幾尷尬，同咁多新人企埋，有啲仲要讀稿㗎喎。」她更慨嘆：「個年代轉咗啦真係，俾啲新人玩啦。」
葉劉淑儀社交媒體圖片
葉劉在節目尾聲表示，對過去的生活有苦有甜，沒有怨言，認為「苦都係一種樂趣」，即使告過、打壓過自己的人都是過眼雲煙。她又提到傷害最大一次的打壓是來自同父異母的哥哥指「女仔唔好讀咁多書」，但自己當時很渴望攻讀碩士，最終幸得母親華彩鳳支持。