【獨媒報導】巴士安全帶法例由2026年1月25日起生效，乘客須強制配戴安全帶，引起極大爭議。去年審議法例的法案委員會成員之一、立法會議員林筱魯承認，政府在諮詢過程未夠透徹，而現屆政府在推動法例的步伐很快：「好多老大難嘅問題喺立法嘅時候一一完成工作，即係以結果為目標，呢個做法亦都有相對成本，喺時間同公眾去了解個法例細節係點，局方嘅時間同人力資源未必可以做到完全到位。」他表示去年審議時，已預計執管上或出現問題。

去年立法會審議時，林筱魯是相關法案委員會「與道路交通有關的3項附屬法例小組委員會」委員之一。對於諮詢是否不夠全面，林筱魯稱與政府討論期間，當局表示已諮詢業界，包括學生保姆車，「覺得可以操作得到」，惟認同諮詢過程未夠透徹。

林筱魯稱，當時已預計到執管上會出現問題，「睇返會議紀錄、片段，其實大家預計到」，認為在執法的時候如何拿捏鬆緊，令市民慢慢適應新法例更為重要：「會遇到好多問題，亦都係預計之中。」

自嘲「肥佬」身形或較難扣上安全帶

自嘲是「肥佬」身形的林筱魯指，當坐在巴士較內側座位的時候，或會較難扣上安全帶，旁邊的女性亦不排除「有心無心唔知你想點」：「呢啲情況係要長期教育，長期監管，冇辦法百分百避免得到。」

林筱魯承認，兒童或嬰兒乘坐巴士「勒住條頸」的確會產生危險，而政府回覆指執法時「按情況」、「以人為本」。他稱曾向政府查詢，假若兒童或嬰兒因不適而除下安全帶，責任將會誰屬，業界亦曾對此表示憂慮：「所以出呢啲問題係唔奇怪嘅，大家都知道。」

林筱魯：議員責任是彌補政府盲點

林筱魯最後重申，立法會議員責任是要彌補政府的盲點，提醒官員「我哋睇到嘅問題」。他指如當局有信心推行「議員唔會去攔佢」，「以往政府未做得透徹嘅情況底下，原本係好事，可能出嚟嘅效果變咗壞事。」

他以垃圾徵費為例，強調「唔係抽政府嘅後腿」：「垃圾徵費我覺得係要做，係痛苦！但當你判斷唔準確嘅時候，未做夠功夫推出嚟嘅時候，令到嗰件事情永久胎死腹中都唔定。」

版權: 
禁止衍生