【獨媒報導】旺角場周三晚上演聯賽盃四強，九龍城以0：1僅負傑志未能晉級。九龍城主教練馮凱文在賽後表示，對球隊表現感滿意，形容「成場波部署好晒」：「坦白，今場波同傑志距離拉近咗好多，唔同上場，上場我哋刻意部署唔好大敗，今場波先係同佢打真軍，上場波係warm up嚟。」他指球隊戰術及態度上亦明顯不同：「希望可以下場做好啲，都要傑志打出真功夫先贏到我哋，OK啦，接受啦！」

兩隊上周六在港超聯交手，九龍城淨呑傑志四蛋。聯賽盃賽事外援球員名額不設上限，傑志由艾尼卡爾·買合木提把關，另派出利亞拿、鄧達思、利安度、杜林敦、肯迪及神田夢實，17歲小將林柏燃正選登場。九龍城則有張桂華任正選守門員，姜浚賢、金旼夑、玄栽勳、基斯、峇夏比、卡朗及雷仙奴。

張桂華撲出十二碼惟須重射 利安度一箭定江山

上半場傑志先開波，29分鐘，迪高禁區內踢跌利安度，球證潘俊傑直指十二碼點。利安度操刀被張桂華撲出。不過，視像助理裁判指張桂華雙腳先離開白界線，傑志獲得重射的機會，九龍城球員一度投訴。利安度再次操刀，張桂華今次「捉錯路」，「藍鳥」領先1：0，這亦是半場的比分。

球證執法掀爭議 瑩花入場撐馮凱文

下半場換邊，九龍城一度有不少具威脅攻勢，但始終未能轉化成入球。71分鐘，神田夢實禁區頂推順起腳，張桂華撲到皮球再中楣，利安度衝前補中，經視像助理裁判覆核後指後者越位在先，入球無效。戰至下半場補時階段，利亞拿在禁區內撞跌雷仙奴，一度惹來十二碼「驚魂」，球證在視像助理裁判完成覆核後未有表示，執法引起爭議，傑志最終小勝1：0。

今日入場人數為779人，張桂華成為今場最佳球員。港隊暫代主教練盧比度、理文暫代主教練列特亦有入場，瑩花女子足球隊部份成員亦有入場支持馮凱文。

馮凱文承認對傑志認識不多 不評論球證執法尺度

在比賽後，馮凱文向記者稱自己對傑志認識不多，上周六是其首次帶領九龍城硬撼該支榜首球隊：「都係靠睇片同靠入場睇，唔係太大認識。有過一次經驗，我哋呢兩日防守上係有啲調整，個別係有針對性部署。」

馮凱文認為球隊今場表演不俗，未能取得入球是欠運，明言不評論球證的執法尺度：「因為每一個人都有狀態都有好與唔好嘅時候，球證都一樣，狀態唔好可能就差少少，希望下次可以遇到狀態好嘅人。」

被問到是否已踢出賽前部署，馮凱文則指「成場波部署好晒」、「發揮好」：「坦白，今場波同傑志距離拉近咗好多，唔同上場，上場我哋刻意部署唔好大敗，今場波先係同佢打真軍，上場波係warm up嚟。」他指球隊戰術及態度上亦明顯不同：「希望可以下場做好啲，都要傑志打出真功夫先贏到我哋，OK啦，接受啦！」

版權: 
禁止衍生