【獨媒報導】宏福苑居民連續第十日上樓執拾，宏建閣居民陳先生大火當日前往作物理治療複診，回家後幸好有鄰居拍門，喚「快啲走啦」，遂與太太一起乘坐電梯及時逃生，今日上樓最想取回證件及契約。被問到上樓會否進行告別式，陳先生就稱「無乜嘢想紀念」、「淨係想執返啲嘢走」：「搬就唔捨得搬㗎啦，世外桃源呀當咗佢係。」

陳先生一家四口居住在宏建閣，他今日與家人上樓執拾，惟沒有收到「一戶一社工」提供的相片，指太太希望能盡量執拾衣服，自己則最想取回證件及契約。


陳先生

大火後曾入住老人院 同望原址重建

在大火發生後，由於太太要做手術，陳先生獨自在老人院休養三個月，現時租住在大埔中心，「乜嘢物資都無，上去盡攞㗎啦」。他不諱言每件物品都特別、都有紀念性，慨嘆不捨得屋企，「屋企就係我嘅命根」。

在發生大火後5個月回家，陳先生稱當然想念屋企。被問到上樓會否進行告別式，他就稱「無乜嘢想紀念」、「淨係想執返啲嘢走」：「搬就唔捨得搬㗎啦，世外桃源呀當咗佢係。」至於是否希望原址重建，陳先生稱「有機會梗係要，無機會無得講囉」。他期望能獲當局原區安置，因為仍要到醫院作覆診。


鄭先生一家

「人冇事」最重要 幸父母在在家逃過一劫

宏泰閣多個單位在火災中損毀嚴重，共有82人不幸罹難。居住在宏泰閣1樓的鄭先生今午與父母上樓，指單位在大火中「燒哂」。他準備了頭罩、雨褸及蚊怕水，希望能執拾到紙幣及金器等：「望一望，睇吓囉，希望有啲嘢冇燒到⋯⋯攞到就攞，執到就執」。

鄭先生自出生以來便住在宏福閣，至結婚後才搬走。對於老家不幸遇上大火，鄭先生認為「人冇事」最重要：「每個人（居民）依家都一定有唔同困難，慢慢都要適應。」

在大火當日，鄭先生的父親剛好落樓食午餐，媽媽則已前往旅行逃過一劫：「話2樓都走唔到，我哋1樓都應該走唔到，因為唔知邊度着火，之後先知正門都着晒火」。

母親冀上樓與鄰居重聚

被問到最想帶走的物品，鄭先生稱難以選擇，認為這是每個家庭都要面對的事，「突然之間係一個住咗咁多年嘅屋企，要喺咁短時間揀，其實揀唔到。」

鄭先生的母親則表示，因大火與不少每日打招呼、熟稔的鄰居失散，希望上樓可以與他們重聚。她指「死得最多人係我哋嗰座，梗係唔開心」，並聽聞同層有鄰居過身。


林先生

嘆難與舊街坊重聚 上樓將拍照留念

另外宏建閣住戶林先生，他已在單位居住了18年，上樓希望能取回保險箱鎖匙、相簿等具紀念價值物品。他帶備了大袋及頭燈等裝備，指單位未有受災，在上樓後會拍照留念。被問到是否希望與舊街坊重聚，林先生坦言「好難見到」：「無可奈何花落去，唯有影返幾張相啦，同佢講一聲多謝了。Say Goodbye，603熄燈！」

在發生大火後5個月重返屋企，他就坦言十分感慨。對於長遠安置計劃，林先生稱支持「一換一」樓換樓方案，希望將業權售賣給政府，但未細看價錢及圖則等：「我哋太老啦，唔想掂啲錢。」有記者追問是否支持原址重建，他指自己年紀漸長，大廈日後落成時或已入住安老院。

版權: 
禁止衍生