【宏福苑五級火】宏建閣住戶女兒執拾後指單位完好：3個鐘點夠幾十年斷捨離？
【獨媒報導】宏建閣居民今日首日上樓執拾，大廈只有一個單位嚴重受損，多名街坊搬走大量家當。有住戶女兒代年邁長者上樓，只能在單位視訊與兩老溝通，落樓後向記者稱單位完好，對拆卸感到無奈，「好浪費，冇濕冇燒冇燻黑」：「三個鐘點夠佢哋幾十年斷捨離呀？佢哋初代居民嚟，仲要斷捨離埋下半世嘅安穩生活喎，邊夠呀？」另有同座街坊表示不願再上樓或回遷，「個環境我唔想再留喺度，有少少驚。」
王小姐
街坊不願上樓回遷 「有少少驚」
宏建閣102單位居民王小姐，已居住在宏福苑20多年，上樓收拾了兩個行李箱、數個紅白藍膠袋的家當，另取回父親留給她的瓷器公仔、屋契、首飾等。她指單位完好，但就發現大火後有不少老鼠屎。
對於3小時的執拾時限，王小姐認為時間足夠，但指不想再上樓，指回家「梗係唔開心啦，本來我哋住得好方便」。雖然單位完整，王小姐表明不希望回來住，「個環境我唔想再留喺度，有少少驚，如果有另一個地方我梗係向前望」，長遠或會選擇安置到啟德或大埔區內的單位。
廖小姐（右）
居民女兒促召開業主大會 稱「等佢哋個心定咗先」
另外，有住戶表明需要再次上樓。廖小姐的父母居住宏建閣6樓，由於雙親年邁及腳痛未能上樓，她今日與朋友幫忙執拾。
廖小姐落樓後向記者稱「無奈囉，好浪費，冇濕冇燒冇燻黑」，合共執拾30至40袋家當，惟僅佔全屋的三成物品，「好多嘢都拎唔到，未執晒好難斷捨離，幫老人家斷捨離好難㗎」。她提及上樓後與父母開視像通話，「佢哋好慶幸冇燒到，啲嘢都攞得返，啲財物都有喺度」。
對於政府只安排3小時上樓執拾，廖小姐就有微言：「三個鐘點夠佢哋幾十年斷捨離呀？佢哋初代居民嚟，仲要斷捨離埋下半世嘅安穩生活喎，邊夠呀？」她指家中部份旅行紀念品仍未取走，稱在觀察環境後，認為可以考慮開放升降機，希望有機會再上樓。
被問到會否考慮政府回購業權方案，她表示暫時未着手處理，亦要看父母意願，但認為最重要先召開業主大會：「佢哋老人家個心都未定，要開業主大會先囉，等佢哋個心定咗先，解說隊都唔知解說咗啲乜嘢⋯⋯解說隊A同解說隊B口吻唔一致」。
杜女士
宏建閣居民指單位乾淨完整 惟不考慮原址重建
另一宏建閣住戶杜女士，她與女兒四年前購入宏建閣低層單位，今日下午完成執拾後步出宏福苑。她表示，主要拾回心愛物品，包括女兒相片、戒指及現金等，並向記者笑言：「我哋間屋好整齊⋯⋯原本係咁樣就咁樣，淨係一個廚房窗爛咗啫。」
杜女士續指屋內完全沒有灰塵，即使沒有佩戴手套執拾，雙手仍然很乾淨，並形容「OK開心」：「因為執到返自己心愛嘅嘢，全部嘢都喺返度⋯⋯好開心執返啲嘢，初時都係預咗唔喺度㗎啦，不過，咦！喺度喎咁樣」。
不過，杜女士居住宏福苑的時間不長：「心情一般又唔太難過，難過都過咗去啦，望前啦⋯⋯我好想第日俾返間屋我哋，我哋個個都好理想、好滿意咁，我哋就安樂啦。」她指不會考慮原址重建，指單位環境惡劣，「俾我有個完完整整嘅屋企就OK㗎啦」。