【獨媒報導】宏泰閣、宏建閣居民今日上樓執拾，其中宏建閣單位受災相對較輕微。有居民再次表達原址重建的訴求，並促請接管宏福苑業主立案法團管委會的「合安管理有限公司」盡快舉行業主大會：「喺長遠方案無任何細節，開業主大會係必須，如果唔係街坊無一個清晰思路，去決定未來嘅路要點樣行。」

溫小姐今日陪同居住在宏建閣的父母上樓，但指4人上樓的名額不足夠。她指父母是退休人士，要重新購置傢俬有一定困難，希望能上樓盡量執拾：「雖然佢話可能有第二次啫，但又係12個鐘（4人上樓）就難搞。」


溫小姐

父親大火後情緒不穩

父母本身居住在廣福邨，20多年前購入宏建閣的單位。在大火後，溫小姐父母獲安排入住區內過渡性房屋，但父親的情緒不穩需要睇心理醫生。

至於是否希望原址重建，溫小姐認為最理想是「整返個單位俾我哋住」，指政府提供的安置方案要考慮的事情太多：「唔係後生一輩可以支付到各樣開支，大家都希望整得到，住得返咪住囉，點解一定要賣咗個業權俾你？大家都係好倉猝。」

質疑政府只公布方案 居民未能看到實質數據

溫小姐指父母同希望原址重建，質疑當局只公布方案，居民卻看不到任何實質數據：「其實常理嚟，生活咗咁多年，咁多嘢都喺度建立。我又真係諗到特別理由，好想再去搵一個新嘅地方，新嘅居所囉。」她認為居民在宏福苑生活多年，「好地地要我離開，一定係一個打擊」。

不過，溫小姐最希望，接管宏福苑業主立案法團管委會的「合安管理有限公司」盡快舉行業主大會：「喺長遠方案無任何細節，開業主大會係必須，如果唔係街坊無一個清晰思路，去決定未來嘅路要點樣行。」她最關注大維修的剩餘金額、火災保險賠償及出售業權的律師費用，「好困擾」：「乜嘢都唔清晰，選址俾你，你又揀唔揀得落呢？」


陳小姐

宏建閣居民嘆「心情想死咁滯」

另一宏建閣低層居民陳小姐，她居住宏福苑40多年，大火前一家四口居住在低層單位。她希望上樓能取回「心肝寶貝」，即貴重物品及金銀珠寶，「一聽到破門，心都實晒」。她明言，假若再有上樓機會，將安排工人搬運傢俬包括洗衣機。

在大火發生後5個月再次回家，陳小姐形容「心情想死咁滯」，指其單位用了數十萬元裝修，居住一年多便不幸遇上大火。她坦言希望原址居住：「出面話買層樓俾你，裝修邊個俾呀？我啱啱先俾完錢裝修，跟住就俾十幾萬（大維修費用）燒我自己間屋。」