【獨媒報導】宏泰閣、宏建閣部分樓層住戶今日上樓執拾，宏泰閣居民朱女士上樓執拾後表示，指其居住逾30年的住所「乜都燒晒」，家中夾萬的10多萬元現金全被燒毀，只用了30分鐘便執拾完畢，離開前在單位內拍攝全家福作告別。她望政府能協助召開業主大會，讓所有居民了解安置及後續安排。

在上樓前，朱女士已得知單位損毀情況嚴重，指「一戶一社工」曾提供屋內相片，但看過一張後不敢再看：「後尾再話俾其他相，我哋就唔係好想睇，因為唔想自己心情係好沉重。」

亡父遺下現金「燒晒」 幸在銀行租用保險箱存金器

朱女士指父親去年11月11日在內地離世，她後與丈夫將父親遺下的現金，從內地帶返香港：「頭七嗰陣，我哋兩公婆帶咗4萬蚊返嚟，三七又帶咗4萬蚊返嚟，我哋25號返嚟，26號就燒咗啦。」

不過，她苦笑指，幸好在銀行租用了保險箱，所有金器及金飾倖存下來，另指家中10多本相簿燒只剩3本，「唔係好齊整，甩頭甩尾嗰啲」。

自大火發生5個月後再次回家，她指與丈夫入屋尚可用控制情緒，惟從小居住在單位、27歲的女兒才上樓便「係咁喊」：「我哋（執）差唔多40分鐘，已經執晒冇嘢執，跟住因為個女情緒控制唔到係咁喊，咁咪陪住佢，俾佢喊咗差唔多半個鐘。」

在離開前，一家三口在家中每個角落拍照，並拍下全家福同屋企告別，「乜角落都影晒，始終住咗30幾年」。

前年用70多萬裝修 望政府安排召開業主大會

談到安置情況，朱女士指在前年4月付清單位貸款，一個月後花費70多萬裝修，豈料去年11月遇上大火，希望政府安排召開業主大會：「依家最大期望就係可以開個業主大會，一齊街坊可以傾吓偈，知道大家嘅意向。」

她最後表示，所有消息皆從新聞中得知：「所以你哋問我有咩打算，我都冇乜打算，間屋完全燒晒有乜打算。」