【獨媒報導】宏泰閣及宏建閣居民繼續上樓執拾，居住在宏泰閣中層的朱氏夫婦，單位在入住一個月後，便遇上大火。他們坦言至今仍未消化事件，惟只能無奈接受。單位受災情況嚴重，朱太在房內僅能拾回一條燒焦的DIOR披肩：「電視都燒到變咗灰，雪櫃都得返個架。」然而，他們同對政府未安排居民上樓執拾，便要決定是否出售業權有微言，認為如同家長帶小朋友買玩具：「任你揀呀啲玩具，但去到嘅時候呢樣唔好買啦，嗰樣唔好買啦，我就叫你買呢個啦⋯⋯話好似有選擇，佢set 好晒啲嘢引導你去揀。」

他們已居住在廣福邨10多年，去年眼見宏福苑大維修，有不少業主放盤，遂決定購入一街之隔的居屋單位。然而，在購入單位後裝修及居住不足一個月，便遇上大火。說到這裡，朱太不禁落淚說：「滿懷希望諗住大維修，仲有兩三個月就完，咁就辛苦完。」

朱先生一家四口居住宏泰閣中層，落樓後接受傳媒訪問，形容單位「災難級」損壞。他指單位由白色變成黑色，整個挖掘過程相當困難：「入到單位真係冇嘢㗎啦，真係得返啲煲，其他全部都係灰嚟，成地都係碳。」朱太就笑指，「喺廚房攞個煲嚟留紀念」。

妻子大火當日生日 外出購物避過一劫

在大火當日，原來是朱太的生日。朱生指幸好當日二人外出購物「買嘢晏咗」，因而避過一劫。他坦言事隔數月仍未消化發生火災：「只能接受，一直喺個腦度燒咗間屋，所有啲嘢無晒消化唔到，唯有睇下嚟緊點做⋯⋯冇人幫到只有靠自己咋。」

他們向記者展示拾回的陶瓷碗碟、少量金器，及一條燒焦的DIOR披肩。朱太分享指，披肩是獎勵自己工作取得成就而購買：「唯一一條喺房度攞得到嘅嘢⋯⋯電視都燒到變咗灰，雪櫃都得返個架。」然而，他們未有特別為屋企道別，只拍照留念及盡量執拾完好物品。

高達模型化灰 僅取回「燶咗」的噴筆

朱先生則是高達迷，家中擺放了珍藏30多年的模型，不少均親手所砌及上色。他在家中掘出「燶咗」的噴筆並帶走：「冇㗎啦，全部都係灰㗎啦，關於模型嘅剩係得返支噴筆。」他指仍會繼續儲模型，但笑言「要有返間屋先」：「因為所有嘢都未定，嚟緊抽到啲咩單位未知，佢俾所謂嘅選項，只不過佢哋嘅選項入面，我哋去選項，唔係真係俾我哋去揀。」

在大火後，兩公婆分隔兩地居住，朱先生與細女寄居親戚的家，為的是方便女兒在區內上學。對於政府提出的安置方案，朱太認為政府可以「再做好啲」，指假若「樓換樓」方案能增加大單位數量，讓居民有更多選擇：「大家喺度爭咁樣，呢個感覺太差，仲要睇你個運數⋯⋯咁樣嘅狀態，仲要上完樓之後再要面對第二樣嘢。」

未上樓執拾便要作決定 形容如家長帶小朋友買玩具

此外，朱太稱在街坊群組中，聽得較多的是宏志閣居民希望原址重建，宏泰閣群組的居民則「心死」，只祈求有運氣抽中心儀單位，例如可較早入伙的九龍灣及粉嶺。

對於政府未安排居民上樓執拾，便先要他們決定是否出售業權。朱先生形容，如同家長帶小朋友買玩具：「任你揀呀啲玩具，但去到嘅時候呢樣唔好買啦，嗰樣唔好買啦，我就叫你買呢個啦⋯⋯話好似有選擇，佢set好晒啲嘢引導你去揀。」

不過，朱先生坦言政府亦有難處，因為八幢大廈情況不同，認為可考慮因應單位損毁情況而決定，朱太就希望，當局可以舉辦業主大會讓住戶投票。