【宏福苑五級火】居民不滿先賣業權再揀樓：揀唔啱咁我住邊度？
【獨媒報導】宏福苑居民繼續上樓執拾，本身是宏昌閣低層的彭太上周已執拾，今午再上樓替居住在宏建閣的母親執拾。彭太最不滿政府在大火發生多個月後，仍未安排舉行業主大會，居民便要在6月30日前決定是否出售業權，然後再揀樓：「點解將啲嘢會倒返轉頭嚟做⋯⋯我揀唔啱咁點呀 揀唔啱咁我住邊度？」
母親家居出現未發霉的橙
彭太今日再次上樓，協助居住在宏建閣的母親執拾。作為曾出入兩座大廈單位的住戶，彭太指環境天淵之別，慶幸媽媽的單位未受火災波及，惟廚房頗為凌亂。
她特別提到，媽媽習慣將生果盤放在餐枱，上樓後發現生果盤在廚房，更有數顆未發霉的橙，並即席向記者展示生果盤相片。不過，彭太指家中所有貴重物品未有遺失，但指上周返回宏昌閣單位時，發現部分衣櫃門及抽屜被打開，暫時未發現財物遭盜竊。
慨嘆昔日安樂居已成廢墟
另外，彭太稱行樓梯看時到單位外面，「幾原整、乾淨」，沒有被燒過的痕跡，認為升降機運作沒有問題。她替母親執出十多袋家當，但仍有很多東西未取走：「時間好緊迫呀嘛，我哋有12個鐘頭，但係你要執晒成間屋嘅嘢喎，你覺得有冇可能呀？係冇可能嘅事嘛，所以應該就要俾我哋再上去？」
彭太慨嘆，昔日的安樂居已變成廢墟，自言非常不捨得宏福苑，但上周上樓的時候，昔日熟悉的屋苑已經變成陌生的地方。
嘆政府從未提出較好的重建方案
對於政府安置方案，彭太坦言「冇得選擇」：「好似強迫我哋去賣業權」，指當局從未提出一個較好的重建方案。她認為，假若將10年的重建時間稍為縮短，相信不少居民都會選擇原址重建：「其實我都想嘅 ，但係你10年，以我咁嘅年紀，我都唔都唔係好想等。」
至於宏志閣，彭太認為七座大廈居民均要出售業權，不可能單獨剩下一棟，加上未完成大維修，相信最後只能無奈出售。彭太不滿政府在大火發生多個月後，仍未安排舉行業主大會，居民便要決定是否出售業權：「點解將啲嘢會倒返轉頭嚟做⋯⋯我揀唔啱咁點呀 揀唔啱咁我住邊度？」
她認為，居民甚至未清晰了解所有安置方案，便要先出售業權再揀樓：「咁我揀唔到樓，你叫我買咗個業權啦，點解將啲嘢會倒返轉頭嚟做⋯⋯我揀唔啱咁點呀，揀唔啱咁我住邊度？」她最後表示，政府提出的收購價，亦難以在私人市場覓相若單位。