【獨媒報導】宏福苑居民首輪上樓今日完結。在大火中災情嚴重的宏泰閣，莊女士27樓的單位近乎完好無缺，莊女士今日上樓取回約30多幅自己繪畫的畫作。莊女士的兒子黃先生自言「好彩」，但他卻反而很傷心，自責「即係有時我係會諗，點解淨係得我間屋冇事⋯⋯我真係會傻到係到諗，如果我間屋係燒咗，隔離屋唔洗死，咁咪燒囉。」

莊女士居住在宏泰閣27樓，今日亦有親身上樓。她說，其興趣是畫畫，已經畫畫10多年，多畫旅行風景，每幅畫作都有意義，今次主要取回30多幅自己繪畫的畫和相片，最開心可以取回「歐洲最美小鎮Hallstatt」的畫作。

她形容，一上樓打開門「見到冇事好安樂」，家中「冇乜燒」。她說，能取到那麼多物品，「我估唔到，估唔到真係，都真係有啲開心」，之後都希望再次上樓執拾。


莊女士

居民嘆寧失去居所換鄰居生命

莊女士的兒子黃先生在婚後才搬離單位，兒時在宏福苑長大，單位內有不少他的物品。他今日亦有上樓。黃先生指，媽媽的單位近乎完好無缺，只是有些灰，同時媽媽大火當日不在家中，「係好好彩嘅」。

黃先生感嘆縱然家中幸運，但反而他很傷心，因為看到旁邊的單位都「變哂灰」或有本身認識的鄰居在大火過身。上樓前「以為（自己單位）燒哂，但真係全部都冇事，係有少少被人打開過嘅痕跡，但冇乜好嚴重嘅財物損失。」

黃先生續說，上樓後「其實我好傷心，傷心嘅位係，反而係因為冇事。即係有時我係會諗，點解淨係得我間屋冇事？人又冇事，嘢又冇事。我真係會傻到係到諗，如果我間屋係燒咗，隔離屋唔洗死，咁咪燒囉。」

黃先生指，親身上樓期間撞到其他鄰居，他們的家被燒毁；行入宏泰閣沿路看到設施被拆、「宏泰閣」等座頭字樣「甩哂皮」，嘆「好傷心、好傷心」。他認為在宏福苑，很多同層以至不同層的街坊都認識，「就算頭先行過燒咗嘅垃圾房，我哋都知垃圾房工作（嘅人）嗰女係同我一齊讀書嘅」，所以宏福苑居民的連繫很密切。

莊女士在家中放下電子蠟燭，悼念鄰居。兒子黃先生則放下一隻公仔和乾花，「希望間屋香返啲」，他亦在單位牆上寫下「宏泰27XX（單位號碼）多謝你」字眼。


圖片由黃先生提供

莊女士在大火後繪畫一幅宏福苑的畫作，她說，只是畫了屋內的環境，希望抒發情緒，也怕自己會忘記，「係我自己屋企，我哋住咗係到43年，一入嚟，我拖住個仔三歲搬入嚟住。」

莊女士表示，她希望會盡快召開業主大會，讓居民表達去留意願，又指若有原址安置，「返嚟住？如果佢整好我會㗎，等十年我哋都會，我唔怕鬼。」

版權: 
禁止衍生