【獨媒報導】香港球隊周四分途出戰亞冠二第二輪分組賽，大埔主場以0：1不敵新加坡的獅城水手，於F組錄得兩連敗。大埔主教練李志堅賽後表示要有合理期望，雖然輸波不開心，但欣賞球員已盡力。李志堅續指，喜見球隊在最後階段沒有放棄，並認為球隊絕對有機會追平：「今日主場我哋完全唔會覺得因為你係10倍價錢、20倍價錢球隊我哋就企喺度，去到臨尾我哋都希望追平或者反勝，呢個係我好開心見到球隊表現。」

大埔正選6外援

大埔首仗作客澳洲以0：3不敵阿德萊德聯，今場回師主場旺角大球場，不過巴西外援加比馬基斯達（Gabriel Mesquita）日前因涉發表種族歧視侮辱性言論而被解約。大埔今場正選陣容共派出6個外援，包括里安納度、韋法頓、加比爾、沈承賢、蔡立靖及馬昆奴斯，配合費蘭度、王顯琛、李家豪及陳肇鈞，守門員為謝家榮。

上屆打入亞冠二決賽的獅城水手擁有多名新加坡國腳，其中宋義勇及去年於亞洲盃外圍賽攻入一球、反勝港隊的伊漢芬迪正選出場，配合另外9名外援。夏倫、仲村京雅、陳漢瑋、阿奴亞、沙軒、郭家溍、蘇基夫利及拉漢史釗活先列後備。

宋義勇上半場中楣 菲頓奠定勝局

上半場獅城水手控球時間較多，菲頓多次於邊路發難傳中，惟未能製造具威脅攻勢，李家豪與沈承賢更需要夾擊攔截。大埔主打防守反擊，不過前場的馬昆奴斯獨力難支，只有蔡立靖開賽9分鐘曾遠射中龍。32分鐘，宋義勇禁區頂推順起腳中楣，這亦是上半場最具威脅的攻勢，雙方0：0完半場。

下半場獅城水手作出換人調動，由仲村京雅入替宋義勇。49分鐘，達高域接應角球頂後，菲頓門前後腳撞入，為客隊先開紀錄。63分鐘，大埔收起陳肇均與蔡立靖，換入保連奴與華力臣加強攻勢。71分鐘，獅城水手角球解圍不遠，華力臣左路拉弓射斜。大埔後段傾力反撲，將費蘭度推前作前鋒。86分鐘，華力臣放直線，保連奴壓入禁區射中網側。雙方之後再未有進帳，獅城水手以1：0小勝大埔。

馬克積遜指大埔球風硬朗

今場入場人數為976人，大埔足球會會長葉吳彬彬與副主席葉志雄亦有到場。在賽後記者會，獅城水手主教練馬克積遜稱，指球隊正在轉型，建立新戰術及打法，對贏波取得三分感到滿意，不過就認為「其實拎到3分過程可以更輕鬆一啲」。

被問到如何評價大埔表現，馬克積遜表示，大埔在比賽尾聲給予巨大壓力，又指大埔球風非常硬朗，甚至某些時刻有些「過界」。在追問「過界」行為是否過度身體對抗，曾任列斯聯一隊助教的他即否認稱：「聽住，我嚟自英超球會列斯聯，所以我一啲都唔排斥強硬身體接觸，只係覺得控制一下會更好。」他讚揚球員應對很非常出色，沒有失去冷靜，並強調不介意比賽中有碰撞，只是對球證有部份判決感失望。

李志堅稱要有合理期望

大埔主教練李志堅在賽後記者會表示，對於球隊落敗感到不開心，但賽前預計獅城水手實力強勁，形容對手是「非常非常強嘅球隊」，認為球員及球迷都要有合理期望，「知道對手係乜嘢」，指球員已按照部署。

有記者提到下半場早段便失球，問到會如何評價球隊整場表現。李志堅指，球隊初段較為保守，上半場成功守和，惟對下半場早段輸一球死球表示失望，認為該失球應可避免。大埔上屆亞冠二主場賽事不敗，不過今年面對陣容大變動，加上管理層將更迭，有記者就問到大埔今年的具體目標，李志堅坦言「一場一場嚟」，又指足球就是這樣，很難每一季要求同一班球員、同樣班費，尤其是在香港，但指作為教練會盡力做好本份。

有記者提到華力臣上陣後攻勢加強，問到為何只安排後備上陣。李志堅指華力臣有傷在身，而球賽90分鐘需要有周詳部署，不管有無傷患亦未必會安排正選：「當然你都要諗下出到嚟，對手都踢咗70分鐘，呢啲都係計算在內嘅嘢。」至於王顯琛首次在亞冠二賽事中正選上陣，李志堅指王表現出色，未來會在香港成為出色的球員。

版權: 
禁止衍生